CALL : +685 24414
FAX 20429
5th Floor John Williams Building
Tamaligi, Apia
Admin : cccsit@cccs.org.ws
Tusi Faitau: Mareko 14:1-9
Matua: Mareko 14: 3
Manatu Autu: Ua faauuina Iesu i Petania. (Jesus anointed at Bethany)
O lo o tatou i ai pea i le faaauauina o le faitauina o le manatu autu ole Vaiaso Paia ma Mareko
Peitai mai lava i le taunuu o le malaga faatupu I Ierusalema ma le aveeseina e Iesu o pa vaeloto i le malumalu faatasi ma ana aoaoga aemaise la o le fetalaiga a Iesu i le faaumatia o le malumalu. Ua matua i atili ai le matamata ita o le au Tusiupu ma Ositaulaga faapea Iutaia ma ua lamalama ai i se ala e fasioti ai ia te ia
O le mea ua mautinoa e le fesiligia le itagia ma le inosia o Iesu, e le siosiomaga o iai nei. Ua amata ona faufau ma taupulepule le au Tusiupu ma Ositaulaga ao taitai ole lotu Iutaia i se ala ina ia faasalaina ai Iesu.
Peitai e ulufale atu Iesu i le fale o Simona le lepela i Petania ae sau ai loa le fafine e pei ona iloa ile fuaiupu ua fai ma matua, “ona sau lea o le fafine ma le fagu alapasa, ua i ai le uu nato tau tele; ua tata’e le fagu, ma liligi ai luga o lona ao.”
E ui i le tulaga lamatia o Iesu e ona fili ma e o ita ia te ia ae o lo o i ai pea nisi o loo talitonu ma alolofa ia Iesu
Lea la e pei ona iai le faatinoga a lenei fafine, o le mea e sili ona aganatā sa ia te ia, ae ua sili i lona lagona ma lona manatu Iesu
Fai mai ua tata’e le fagu alapasa, ae o fagu nei e aganatā i atunuu sasae ona o ituaiga ele e gaosia ai e faigata ona maua ma e au tausaga foi o teuina ma faapelepelele, ae ua tata’e
E lei tatalaina ae ua tata’e, o le faailoga o le ave uma e leai se faamoemoe e totoe se mea
Ua liligi i le ao o Iesu, o le ata o le faauuina, o le faailoga ole faaaloalogia, o le mamalu ma le faaaloalo ua ave atoa iai
Ae o le uu nato e taugata lona gaosiaina, aua e iai le talitonuga e tele ituaiga fugalaau manogi eseese e fai ai, e le gata o totonu o Palesitina ae aumai foi i isi atunuu tuaoi isi vaega e gaosi ina ia maua lona manogi sasala
Le ata manino ole tagata ua ave atoa mea uma sa ia te ia mo Iesu, ae mafua ona ua talitonu, ua tupu ai le loto le agaga e foai ma ave mea aganatā sa ia te ia mo le Alii
Ma lona faamoemoe sei faailoa lona, faaaloalogia, o le mamalu ma le faaaloalo ua ave ma le talitonuga ia Iesu
E ui a ina iai e na tiga ma le fiafia, ma fesiligia le faatinoga a lenei fafine, peitai e lei vaoia ai lona loto e faia le mea sili mo Iesu
O le feau foi lea mo i tatou i lenei aso ao tatou iai pea i lenei Vaiaso Paia, ao tatou aga atu ile faamanatuina ole Eseta,
Lea ua aoao mai le fafine Petania mo i tatou, fai mai na ave uma, o mea aganata na ia te ia, ole faailoga ua ave ma le loto atoa iai, ave ma lona faamoemoe sei faailoa lona faaaloalogia, ole mamalu ma le amanaia o Iesu
AMENE
Mika Suesue Teo (AM)
.………………………………………
© 2024 CCCS