CALL : +685 24414
FAX 20429
5th Floor John Williams Building
Tamaligi, Apia
Admin : cccsit@cccs.org.ws
Tusi Faitau: 1 Timoteo 5:17-25
Matua: 1 Timoteo 5: 21
“Ou te matuā fai atu lava ia te oe i luma o le Atua, ma Keriso Iesu, ma le au agelu na filifilia, ina ia e tausi i na mea e aunoa ma le alofa faapito ma le faailogaina o se tasi”.
(I charge you, in the sight of God and Christ Jesus and the elect angels, to keep these instructions without partiality, and to do nothing out of favoritism)
Manatu Autu: O le lu’itau o taitaiga (The challenge of leadership)
O upu masani ai tatou, “E poto lava le tautai ae sese lana atu i ama”. O la Paulo foi ia Roma, “Auā ua agasala tagata uma lava, ma ua le oo i le mamalu o le Atua” (For all have sinned, and come short of the glory of God).
E malosi upu a Paulo ua fai ma matua, e peiseai a lē faia o se malaia; ona o loo fai i luma o le Atua, ma Keriso Iesu ma le au agelu na filifilia. Na manulauti ai foi le soifua talai o Paulo pei ona ia faatonu ai foi Timoteo, pei o ana upu ia Korinito, “Oi talofa foi ia te a’u, pe a ou le folafolaina le talalelei” (Woe is unto me, if I preach not the gospel!)
O lona uiga – ia iloatino i le taitaiga a Timoteo i Efeso mea ia pei ona faailoa atu e Paulo: (i). Ia aunoa ma le alofa faapito; (ii). Ia aunoa ma le faailoga tagata; ia ma apply loa i veaga ia o le galuega talai: O toeaina o ē pule lelei, ia faaluaina atu iai le taui, ae ia faasili i ē galulue i le upu atoa ma le aoao atu, pei ona tusia i Tusi, “’aua nei e fusi le gutu o le povi…i le ma lea, e tatau ona avatu i le faigaluega lona taui”. ‘Aua nei talia se mau..vagana ua iai se mau a le toalua poo le toatolu; Aoai i ē agasala i luma o tagata uma, ina ia matata’u ai nisi uma lava.
Fai mai Shakespeare, “The fault, dear Brutus, is not in our stars, but in ourselves.” Faavaatuia loa le galuega talai, o lona uiga, ua faailoga tagata; ua alofa faapito. Alu atu le fafine agasala ia Iesu ma le fagu alapasa e tumu i se suauuu tautele, ma sasa’a uma i le Alii, ae faailoga tagata Simona, fai mai o le fafine agasala. Peitai na aoao Iesu, “…o le mea lelei ua na faia ia te a’u nei”.
Leai se faaletonu o le galuega talai, pe tatou faataitai i le faataitaiga sili ua faailoa atu e Paulo ia Timoteo. Ia le faailoga tagata, i le ma lea, Ia le alofa faapito. Fai le galuega ma faalatalata le loto ma le agaga i le Atua ma Iesu ma le au agelu filifilia o loo matamata mai ma molimau i lou soifua ma le ola ofo atu mo le Atua ma lana Talalelei. Soia le fefe i tagata, ae fai le mea tonu ma sa’o aua le silafaga a le Atua.
Ia i le Atua pea lona lava viiga nei seia oo i le faavavau,
Anzac Tuala (FS)
.………………………………………
© 2024 CCCS